सिन्धुपाल्चोकमा हेलिकप्टर दुर्घटना

सिन्धुपाल्चोक ,जेष्ठ १९ । सिन्धुपाल्चोक को बलेफीनजिक यमुनाडाँडा गाउँ विकास समिति वडा नम्बर–८ को शिलापर्वत जंगलमा उद्धारका लागि गएको माउन्टेन एअरको ‘९ एन एजेपी’ हेलिकप्टर दुर्घटनाग्रस्त भएको छ ।उद्धार र राहतका लागि गएर काठमाडौं आउँदै गर्दा दिउँसो २बजेर ३७ मिनेटपछि हेलिकप्टरको विमानस्थलसँग सम्बन्ध टुटेको बताइएको छ । दुर्घटना हुँदा चार जनाको मृत्यु भएको छ । दुर्घटनामा मृत्यु हुनेमा क्याप्टेन सुवेक श्रेष्ठ र १ जना विदेशी नागरिक रहेका छन् भने अन्य दुईको पहिचान हुन सकेको छैन । मृतकको शव काठमाडौं लगिएको छ  स्थानीयबासीले आगो बल्दै हेलिकोप्टर झरेको देखेको बताएका छन् ।