जेठ २७ , चितवन । कतारको एल एबल कम्पनीमा कार्यरत भूकम्पपीडित नेपालीहरुका परिवारलाई भेट्न कम्पनीका प्रतिनिधिहरु गाउँगाउँ पुगेका छन् ।गत बैशाखमा गएको विनाशकारी भूकम्पमा आफ्ना कामदारले भोग्नु परेको क्षतिको अनुगमन गरी सहयोग गर्ने उद्देेश्य अनुरुप उक्त कम्पनीले आफ्ना प्रतिनिधिहरुलाई नेपाल पठाएको हो । गत जेठ २१ गते उक्त कम्पनीका प्रतिनिधीहरु नेपाल आएका थिए ।
सोही कम्पनीमा सबै कामदारहरुको सामाजिक संस्था एरोसले आफ्नो कम्पनीमा कार्यरत भूकम्पपीडित नेपालीहरुलाई घर निर्माणका लागी सहयोग गर्ने भएको हो ।
चितवनमा पत्रकारहरुसँगको भेटघाट कार्यक्रममा एसोसका कन्भेनर तथा सहयोग अभियानका संयोजक भारतीय नागरिक मिजियास ईकेले नेपालको पुनर्निर्माणमा सक्दो सहयोग गर्ने चाहनाअनुरुप नेपाल आएको बताए ।
कम्पनीका प्रतिनिध मिजियासले भूकम्पले पीडित बनेका आफ्ना कम्पनीका कार्यरत कामदारको परिवारको विचल्ली देखेर दुखित भएको बताए । उनले कामदारको परिवारको घर पुर्ननिर्माणमा लाग्ने बताए ।
उनले कामदारको घर पुर्ननिर्माणका लागी ३० लाख बराबरको सहयोग जुटिसकेको उल्लेख गरे । अहिलेसम्म योजना गरिएको रकम थोरै भएको उल्लेख गर्दै उनले कतार फर्किएपछि यो रकम बढाएर सबैको घर निर्माण सहयोगका लागी पहल गर्ने बताए ।
एरोस अन्तरगतका कामदारहरुले भूकम्पपीडित कामदारहरुको सहयोगका लागी १० लाख रुपैया संकलन गरिसकेका थिए भने त्यो रकमको दोब्बर २० लाख एल एबल कम्पनीको तर्फबाट संकलन भईसकेको बताइएको छ ।
सोही कम्पनीमा कार्यरत तथा नेपाल पत्रकार महासंघ कतार शाखाका कोषाध्यक्ष घनश्याम पराजुलीसमेत कम्
पनीको प्रतिनिधिको रुपमा ५ दिनका लागि नेपाल आएका थिए ।नेपालका भूकम्प प्रभावित जिल्लाहरु धादिङ्, गोरखा, नुवाकोट, सिन्धुपाल्चोक, मकवानपुर, चितवन लगायतका जिल्लाहरुका कामदारहरु उक्त कम्पनीमा कार्यरत रहेको कार्यक्रममा जानकारी दिए ।
अनलाइन खबरबाट
अनलाइन खबरबाट
0 comments:
Post a Comment